股票投資

股票我自己會分為五類，第一類我會叫做係增長股或者核心股，基本上呢類物業就業務穩打穩紮， 向上嘅空間比較大，起碼要三成以上，呢一類我就會謹慎地買入。e.g. 以前的700, 150 etc

第二類股票我會覺得係週期股，通常個波幅相對比起第一類會細，但係會有比較清晰嘅估值頂部同底部，比如話可以用 PE PB 等等指標，配合圖形進行交易。呢類型股份，我會喺周期低位買入，如果咁啱遇到歷史低位，會加大注碼投入。 eg. 1316, 878, 2388 etc

第三類股份就會係收息股，最緊要係收息同盈利搵定，其他指標例如 PB PS 都係重要參考， 從而去衡量收嗰個股息係抵唔抵，呢類型股票我都會係估值底步增設，高位減持，部份長期持有。e.g. Reit, 1052, 1883, 5 etc

第四個類型就係市況概念股，最簡單嚟講就係牛市去到尾聲，通常以往啲券商股基金股會爆升，呢啲股票我會係喺爆升前期睇下有冇機會收集到。e.g. 388, 6030, 3908 etc

第五類股票我會話係睇唔明系列，包括仙股、老千股、殼股等等，能力有限，呢啲我唔會掂。

操作上，第一二四類股票我會放喺一個股票倉，而第三類我會獨立放喺另一個股票倉。因為第三類往往風險較低，派息能力高，防守力強，所以我通常都會維持一定嘅倉位。至於另一個倉，就視乎市況而定。

暫時諗到咁多，有新諗法再講。